「今晚食乜餸」紅酒燴牛腩-李錦聯

菜系: 廣東菜/粵菜


材料: 牛腩2磅、洋蔥1大隻（切角）、西芹2條（切角）、甘筍8安士（切件）、蒜頭6粒、番茄膏4湯匙、香葉2片、紅酒3/4量杯、黑胡椒5至6粒、雞湯2量杯半、魚露3茶匙、喼汁2茶匙

做法: 1.原件牛腩出水12分鐘，取出放涼、切件備用。

2.將洋蔥、西芹、甘筍及蒜頭下鑊炒香，以慢火煎焗5分鐘，加入番茄膏以慢火炒2至3分鐘，取出備用。

3.將牛腩下鑊爆炒，將蔬菜料回鑊炒勻，加入紅酒煮滾，合上鑊蓋焗煮一會。

4.加入雞湯、魚露、喼汁、香葉及黑胡椒煮滾，合上鑊蓋以慢火燜煮1個半小時，熄火焗2小時，再以慢火燜1小時至收汁即成。